• 首頁
  • 即時比分
  • 籃球NBA
  • 國際足球
  • 中國足球
  • 綜合體育
  • 彩市動態
  • 賽事分析
  • 報紙波經
  • 亞運會
  • 球壇百科
  • 首頁 > 報紙波經 > 東方日報 > 正文

    銀河遇剋星多倫多有計

    時間:2019-07-04 09:04:45來源:互聯網
    聽朝繼續有美職開快車,阿King最有心水係尾場洛杉磯銀河主場迎戰FC多倫多。銀河王牌伊巴謙莫域腳風唔多順,令戰績飄忽不定,撞正剋星FC多倫多必冇啖好食,仲要讓波咪掂,轉捧讓球客勝。
    (myTV Gold 301、Now 638、有線654及614臺周五早上10時30分直播)
    伊巴謙莫域腳風唔順
    東岸前列分子銀河,一向靠伊巴謙莫域搵食,但呢位瑞典神箭畢竟已經37歲,狀態有起伏亦人之常情,佢近6場有披甲賽事僅入兩粒,腳風麻麻,球隊亦只得3勝3負,可見伊巴弗唔弗,對銀河影響甚大。雖然FC多倫多只排東岸中游,但近況略有起色,近5仗取得1勝3和僅1敗,中場迪里安更有3球進帳,表現硬淨頂得兩嘴,加上雙方近3次交手,FC多倫多全部贏曬,仲有得受讓咁筍,讓球客勝咪錯過。
    串達拉斯大急流上盤
    至于早少少開波嘅FC達拉斯主場對華盛頓聯隊,同伊巴喺曼聯做過隊友嘅華聯箭頭朗尼,近4次上陣入4粒,仲係場場有波入勁弗,FC達拉斯主場出擊特別進取,近5次主場全開3球或以上,斗攻格局捧2.5球嘅入球大。(myTV Gold 302、Now 639、有線655及615臺周五早上9時直播)最后係同時間開波嘅科羅拉多急流主場對新英倫革命,急流近況唔錯,近8仗取得5勝3和未輸過,若果單計主場聯賽,近4場全部贏曬,面對作客麻麻嘅革命,可食住個勢再下一城,小讓平半可捧上盤。

    聲明:本網站所收集文字、圖片等內容均系網民撰寫或程序在互聯網中自動收錄轉載,文章著作權歸原作者所有,內容為作者個人觀點。轉載的目的在于非盈利傳遞更多信息及用于網絡分享,并不代表本站贊同其觀點和對其真實性負責,也不構成任何其他建議,只供參考之用。本網站不保證信息的準確性、有效性、及時性和完整性。

    如果您發現網站上有侵犯您的知識產權的作品和其它問題,請與我們取得聯系,我們會及時修改或刪除。

    人猿泰山注册